Mission Statement

To Submit Content

The Battle of Killiecrankie
circa 1695

Clavers and his Highlandmen
Came down upon the raw man,
Who being stout, gave mony a clout,
The lads began to claw, then.
Wi' sword and targe into their hand,
Wi' which they were na slaw, man,
Wi' mony a fearfu' heavy sigh,
The lads began to claw, then.

O'er bush, o'er bank, o'er ditch, o'er stank,
She flang amang them a', man:
The butter-box got mony knocks,
Their riggings paid for a', then.
They got their paiks, wi' sudden straiks,
Which to their grief they saw, man:
Wi' clinkum clankum o'er their crowns,
The lads began to fa', then.

Hur skipt about, hur leapt about,
And flang amang them a' man:
The English blades got broken heads.
Their crowns were cleav'd in twa, then:
The durk and door made their last hour.
And prov'd their final fa' man:
They thought the devil had been there,
That play'd them sic a paw, then.

The solemn league and covenant
Came whigging up the hills, man.
Thought Highland trews durst not refuse
For to subscribe their bills, then:
In Willie's name they thought nae ane
Durst stop their course at a' man;
But hur nain sell, wi' mony a knock,
Cried "Furich, Whigs awa, man."

Sir Evan Dhu, and his men true,
Came linking up the brink, man:
The Hogan Dutch they feared such,
They bred a horrid stink, then.
The true Maclean, and his fierce men,
Came in amang them a', man;
Nane durst withstand his heavy hand,
A' fled and ran awa, then.

Oh on a ri!  oh on a ri!
Why should she lose King Shames, man?
Oh rig in di!  oh rig in di!
She shall break a' her banes, then;
With furichinish, and stay a while,
And speak a word or twa, man,
She's gie a straik out-o'er the neck,
Before ye win awa, then.

O fie for shame, ye're three for ane!
Hur nain sell's won the day, man;
King Shames' red-coats should be hung up,
Because they ran away, then.
Had bent their brows, like Highland trues,
And made as lang a stay, man,
They'd sav'd ther king, that sacred thing,
And Willie'd run away, then

Editor's Notes: This work was published in "Hoggs Jacobite Relics."  It surely dates from the years immediately following the Battle of Killiecrankie, which took place on July 27, 1689.  The "Sir Evan Dhu," referenced in line 33 is Sir Ewen Cameron of Lochiel, XVII Chief of Clan Cameron.  Sir Ewen removed his boots (the only pair said to be present amongst the Cameron clansmen, and charged barefoot along with his men.  These are the same boots said to be preserved in the Clan Cameron Museum, at Achnacarry.