Mission Statement

To Submit Content

An Old Song
circa 1750

Oh, it's hame, hame, hame,
And it's hame I wadna be,
Till the Lord calls King James
To his ain countrie,
Bids the wind blaw frae France,
Till the Firth keps the faem,
And Loch Garry and Lochiel
Bring Prince Charlie hame.

May the lads Prince Charlie led
That were hard on Willie's track,
When frae Laffen field he fled,
Wi' the claymore at his back,
May they stand on Scottish soil
When the White Rose bears the gree,
And the Lord calls the King
To his ain countrie!

Bid the seas arise and stand
Like walls on ilka side,
Till our Highland lad pass through
With Jehovah for his guide.
Dry up the River Forth,
As Thou didst the Red Sea,
When Israel cam hame
To his ain countrie.

Editor's Notes:  As published in "New Collected Rhymes"  by Andrew Lang, in 1905.  In his notes Lang states: "One verse and the refrain are of 1750 or thereabouts. At Laffen, where William, Duke of Cumberland, was defeated and nearly captured by the Scots and Irish in the French service, Prince Charles is said to have served as a volunteer."